Laksang hi tunlai thangthar ho chuan in hre vak lo mai thei a, la hmu lo a hming ringawt hria te pawh kan awm ang..... a lam dan pawh thiam lo te pawh kan awm mai thei....
Laksang hi maimawm chi khat thing/mau ringa kua/bu nei thin a nia, a lem kan hmuh ang hian. He mi chhungah hian maimawm chu a cheng thin a, hmanlai kan Mizo lo lama eizawng thin Lawm rual nula leh tlangval te, thlawhhmaa an intihhlimna chi khat a ni a, A chhunga maimawm hi an inpawhchhuah siak (Laksang in laksiak) thin a, a chhunga maimawm hi a dum lam emaw a var lam deuh emaw an pawhchhuah chuan an nupui/pasal tur chu a hang lam emaw ngo lam emaw turah an ngai thin, tin maimawm thi an pawhchhuah chuan an kawppui te an sun tur entirna angah an ngai thin, hetiang Laksang an hmuh tawh hi chuan nula leh tlangvalte phur takin an in hawrkhawm thin a ni.
No comments:
Post a Comment